Tue, 20 Nov 2018
30
Jakarta

TAGBILARAN CITY, Bohol, Sept. 15 (PIA)-Napagawas sa Social Security System (SSS) ang kapin kon kulang Php49 milyones nga pension loans sa dul-an sa duha ka libo ka sakop nga kwalipekadong pesyonado sulod sa 12 ka adlaw human nila kini itanyag nga serbisyo, serbisyo nga gitawag og Pensioners Loan Program (PLP) nga itanyag na usab sa Bohol.

Ang PLP, usa sa gitumbok ni SSS Acting Vice President for the Visayas Atty Alberto Montalbo nga bag-ong haon nga serbisyo sa SSS, atul sa gipahigayon nga Regional Convention sa Association of Development Information Officers (RADIO) Convention didto sa Dumaluan Beach Setyembre 19-21.

Karon nga hapit na nga itanyag sa Bohol ug anaa na sa 34 pa ka sanga nga buhatan sa SSS sa tibuok nasud ang PLP, gipaneguro nga ikapadagan una sa ubang lugar aron mahibaw-an kon hain mang dapita kinahanglan pang trabahoon aron mahipno ang serbisyo, butyag pa ni Montalbo.

Gani, matod ni SSS President ug Chief Executive Officer Emmanuel F. Dooc, "Wala nila damha ang kadaghanon sa mga aplikante nga mogamit sa ilang PLP, samtang iyang gilauman nga ang mga prebilihiyo sa pahuwam, magamit sa mga sakop nga pensioners sa ilang mga dinali-an nga panginahanglan sa kwarta."

Kahinumduman nga gilusad sa SSS ang PLP niadtong Septembre 3 aron pagtubag sa panginahanglan sa mga senior citizens nga mabiktima sa mga pautangan nga may dagko nga interes sa pagpamalit sa ilang nga dinali-an nga panginahanglan sa tambal.

Matud pa sa SSS, ang labing daghan nila nga sanga nga buhatan nga nagtanyag sa pahuwam mao ang SSS Diliman (nga may 406 ka aplikante), Cebu (221), Zamboanga (157), Bacoor (119), Alabang (114), ug Davao (114).

Dugang sa SSS, sa dili madugay, magbukas na usab ang pasilidad sa mga pensioner sa 50 pa ka buhatan nga manawat na unya sa PLP applications, lakip na ang Tagbilaran, dugang ni Montalbo.

Kon magbukas na sa Bohol sa dili madugay, mitambag ang SSS ngadto sa ilang mga sakop nga pensioner: personal nga mo-apply ug dalhon ang Social Security Card o Unified Multi-Purpose Identification (UMID) Card, o bisan unsa nga duha ka opisyal nga identification cards nga may pirma ug hulagway sa membro.

Ang PLP bukas alang sa retiree pensioners nga 80 years o ubos pa sa pagka-kompleto sa bayranan sa loan, walay lain nga huwam sa SSS, walay advance pension ilawom sa SSS Calamity package, walay overpayment, ug aktibong nagdawatan sa pension sa katapusang unom ka buwan.

Ang pahuwam alang sa mga pensionado may tinuig nga interes nga 10 percent ug magkubos subay sa nagkagamay nga principal nga huwam.

Ang PLP usab mahimong bayran sa tulo, unom o 12 ka buwan depende sa kadak-on ug ang binuwan nga bayad adto kuhaon sa binuwan nga pension.

Ang mga kwalipekado nga pensioner makahuwam sa basic monthly pension bali og duha ka buwan pun-an sa Php1,000 o mahimong pension sa unom ka buwan pun-an pag Php1,000 nga benefit, apan dili usan molapas sa Php32,000. (rahc/PIA-7/Bohol)

More Indonesia News

Access More

Sign up for Indonesia News

a daily newsletter full of things to discuss over drinks.and the great thing is that it's on the house!